കണ് ഠ നാളം പിളരുമ്പോൾ ........

കണ് ഠ നാളം പിളരുമ്പോൾ 

ഒരു മഞ്ഞുതുള്ളി 

മണൽക്കരയിൽ 

പൊള്ളിലയിച്ചു 

അടയാളങ്ങളില്ലാതെ 

നിശ് ശൂ ന്യമായ് ....

കാലമാം കടൽക്കരയിൽ.

ഒരു  വിരഹക്കുയിലിൻ 

കണ് ഠ നാളം  പിളർന്നു 

മൂകതയിൽ 

ലയിച്ചു 

സ്വരലയമില്ലാതെ 

ശൂന്യമാം 

ആകാശവിതാനത്തിൽ.

ഒരു മെയ് മാസപുഷ്പം 

അടർന്നുവീണു 

വരണ്ട മണ്ണിൽ  വാടിക്കരിഞ്ഞു 

നിറവിസ്മയമില്ലാതെ

പൊള്ളും 

മരുഭൂമിയിൽ.

ഒരു കവിമനസ്സിൻ 

ആത്മാവലഞ്ഞ് 

കരിമേഘങ്ങളിലലിഞ്ഞു 

ഭാരങ്ങളില്ലാതെ 

മഴയായ് 

നിന്റെ കുഞ്ഞു നെഞ്ചിലേക്ക് ..........